ថ្ងៃពុធ ទី០៣ ខែមីនា ឆ្នាំ២០៥០
«គេហទំព័រ មជ្ឍមណ្ឌលព័ត៌មានសម្លេងជាយដែន»កំពុងធ្វើការផ្សាយសាកល្បង ដូច្នេះសូមប្រិយ៍មិត្តជួយគាំទ្រ ។ សូមអគុណ
មេដឹកនាំ​មីយ៉ាន់ម៉ា​អ្នកស្រី Aung San Suu Kyi និង​ថ្នាក់​ដឹកនាំ​ផ្សេង​ទៀត​ត្រូវ​យោធា​ឃុំ​ខ្លួន !!!!!
Mon,01 February 2021 (Time 08:51 AM)
ដោយ ៖ ដោយះ លោក ភៀង សុភា ចេញផ្សាយ ថ្ងៃ ចន្ទ ៤រោច ខែ មាឃ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹង ថ្ងៃទី ០១ ខែ កុម្ភៈ ឆ្នាំ ២០២១


មេដឹកនាំ​មីយ៉ាន់ម៉ា​អ្នកស្រី Aung San Suu Kyi និង​ថ្នាក់​ដឹកនាំ​ផ្សេង​ទៀត​ត្រូវ​យោធា​ឃុំ​ខ្លួន !!!!!

ដោយះ លោក ភៀង សុភា
ចេញផ្សាយ ថ្ងៃ ចន្ទ ៤រោច ខែ មាឃ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹង ថ្ងៃទី ០១ ខែ កុម្ភៈ ឆ្នាំ ២០២១
ព័ត៌មានជាតិ


រដ្ឋធានីណៃពិដោ:


ពលករចំណាកស្រុកមីយ៉ាន់ម៉ាកាន់រូបមេដឹកនាំយោធា ក្នុងពេលធ្វើបាតុកម្មប្រឆាំងនឹងការឃុំខ្លួនរបស់មេដឹកនាំមីយ៉ាន់ម៉ាអ្នកស្រី Aung San Suu Kyi និងថ្នាក់ដឹកនាំដទៃទៀតដោយយោធាមីយ៉ាន់ម៉ា នៅមុខស្ថានទូតមីយ៉ាន់ម៉ាក្នុងទីក្រុងបាងកក ប្រទេសថៃ ថ្ងៃច័ន្ទ ទី១ ខែកុម្ភៈ ឆ្នាំ២០២១។



ទូរទស្សន៍ Myawaddy ដែល​គ្រប់គ្រង​ដោយ​យោធា​មីយ៉ាន់ម៉ា បាន​ប្រកាស​នៅ​ថ្ងៃ​ច័ន្ទ​នេះ​ថា យោធា​បាន​ត្រួតត្រា​ប្រទេស​មីយ៉ាន់ម៉ា​នៅ​ក្រោម​ស្ថានភាព​អាសន្ន ដោយសារតែ​គណៈកម្មការ​រៀបចំ​ការ​បោះឆ្នោត​មិន​បាន​ចាត់​វិធានការ​ទាក់ទិន​នឹង​ការ​អះអាង​របស់​យោធា​ដែល​ថា ការ​បោះឆ្នោត​ថ្នាក់​ជាតិ​កាលពី​ខែ​វិច្ឆិកា​ឆ្នាំ​មុន​ មាន​ការ​លួច​បន្លំ។ការ​ប្រកាស​នេះ​បាន​ធ្វើ​ឡើង​ក្នុង​ពេល​ប៉ុន្មាន​ម៉ោង​បន្ទាប់ពី​មេដឹកនាំ​មីយ៉ាន់ម៉ា​អ្នកស្រី Aung San Suu Kyi និង​មន្ត្រី​គណបក្ស​កាន់​អំណាច​ផ្សេង​ទៀត ត្រូវ​បាន​ឃុំ​ខ្លួន។ ការ​ឃុំ​ខ្លួន​ទាំង​នេះ​កើតឡើង​នៅ​ចំ​ថ្ងៃ​ដែល​រដ្ឋសភា​ថ្មី​ត្រៀម​បើក​សម័យ​ប្រជុំ​លើក​ដំបូង​របស់​ខ្លួន។


លោក Myo Nyunt អ្នក​នាំពាក្យ​គណបក្ស​សម្ព័ន្ធ​ជាតិ​ដើម្បី​លទ្ធិ​ប្រជាធិបតេយ្យ ដែល​ជា​គណបក្ស​កាន់​អំណាច បាន​និយាយ​ថា អ្នកស្រី Aung San Suu Kyi និង​លោក​ប្រធានាធិបតី Win Myint ត្រូវ​បាន​គេ​ចាប់​ខ្លួន​កាលពី​ព្រឹក​ថ្ងៃ​ច័ន្ទ​នេះ។លោក Myo Nyunt បាន​បញ្ជាក់​នៅ​ថ្ងៃ​ច័ន្ទ​នេះ​ក្នុង​ពេល​មិន​យូរ​ប៉ុន្មាន​មុន​ពេល​លោក​ត្រូវ​បាន​គេ​ចាប់​ឃុំ​ខ្លួន​ផងដែរ​ថា៖ «ខ្ញុំ​ចង់​ប្រាប់ពលរដ្ឋ​របស់​យើង​កុំ​ឲ្យ​ឆ្លើយតប​ដោយ​ពុំ​បាន​គិត​ហ្មត់ចត់​ជា​មុន ហើយ​ខ្ញុំ​ចង់​ឲ្យ​ពួកគេ​ធ្វើ​ទៅ​តាម​ច្បាប់»។

លោក​បាន​បន្ថែម​ថា៖ «តាម​យើង​ដឹង មនុស្ស​សំខាន់ៗ​ទាំងអស់​ត្រូវ​បាន​យោធា​ចាប់​ខ្លួន។ ដូច្នេះ ឥឡូវ​នេះ យើង​អាច​និយាយ​បាន​ថា វា​ជា​រដ្ឋប្រហារ។ នៅ​ក្នុង​រដ្ឋធានី​ណៃពិដោ ខ្ញុំ​បាន​ឮ​ថា អ្នកស្រី Aung San Suu Kyi និង​លោក​ប្រធានាធិបតី Win Myint ត្រូវ​បាន​ចាប់​ខ្លួន។ ប៉ុន្តែ យើង​មិន​ទាន់​ដឹង​ឲ្យ​ប្រាកដ​អំពី​សមាជិក​រដ្ឋសភា​នៅ​ក្នុង​រដ្ឋធានី​នៅ​ឡើយ​ទេ ក៏​ប៉ុន្តែ យើង​អាច​សន្មត​ថា ពួកគេ​ក៏​ត្រូវ​បាន​ចាប់​ខ្លួន​ផងដែរ»។ការ​ចាប់​ខ្លួន​ទាំង​នេះ​ត្រូវ​បាន​ថ្កោលទោស​ដោយ​សហរដ្ឋ​អាមេរិក អង្គការ​សហ​ប្រជាជាតិ និង​ប្រទេស​មួយ​ចំនួន​ទៀត​ដូចជា​អូស្ត្រាលី ឥណ្ឌា និង​សិង្ហបុរី​ជាដើម។

សេតវិមាន​ប្រធានាធិបតី​សហរដ្ឋ​អាមេរិក​បាន​បញ្ជាក់​នៅ​ក្នុង​សេចក្ដី​ប្រកាស​មួយ​ថា៖ «សហរដ្ឋ​អាមេរិក​មាន​ការ​ព្រួយ​បារម្ភ​អំពី​សេចក្ដី​រាយការណ៍​ ដែល​ថា​យោធា​មីយ៉ាន់ម៉ា​បាន​ចាត់​វិធានការ​បំផ្លាញ​ដំណើរការ​អន្តរកាល​ប្រជាធិបតេយ្យ​របស់​ប្រទេស​មីយ៉ាន់ម៉ា»។សេតវិមាន​បាន​បន្ត​ថា សហរដ្ឋ​អាមេរិក​ជំរុញ «យោធា​មីយ៉ាន់ម៉ា​និង​ភាគី​ផ្សេង​ទៀត​ទាំង​អស់​ឲ្យ​គោរព​តាម​បទដ្ឋាន​ប្រជាធិបតេយ្យ​និង​នីតិរដ្ឋ និង​ឲ្យ​ដោះលែង​អ្នក​ដែល​ជាប់​ឃុំ​នៅ​ថ្ងៃ​នេះ»។សេតវិមាន​បាន​បន្ថែម​ថា៖ «សហរដ្ឋ​អាមេរិក​ប្រឆាំង​នឹង​ការ​ប៉ុនប៉ង​ណា​មួយ​នៅ​ក្នុង​ការ​កែប្រែ​លទ្ធផល​នៃ​ការ​បោះឆ្នោត​កាល​ពី​ពេល​ថ្មីៗ​នេះ ឬ​ក៏​ការ​បង្អាក់​ដល់​ដំណើរការ​អន្តរកាល​ប្រជាធិបតេយ្យ​របស់​ប្រទេស​មីយ៉ាន់ម៉ា។ សហរដ្ឋ​អាមេរិក​នឹង​ចាត់​វិធានការ​ប្រឆាំង​នឹង​អ្នក​ដែល​ទទួល​ខុស​ត្រូវ​ចំពោះ​រឿង​នេះ ប្រសិនបើ​ជំហាន​ទាំង​អស់​នេះ​មិន​ត្រូវ​បាន​ធ្វើ​ឲ្យ​ដូច​ដើម​វិញ»៕




ដោយះ មជ្ឈមណ្ឌល ព័ត៌មាន សម្លេងជាយដែន
https://www.vnc-news.com/

ព័ត៌មានគួរចាប់អារម្មណ៍

ឯកឧត្តមអភិបាលខេត្តកំពត ដឹកនាំ មន្រ្តីនៃមន្ទីរ អង្គភាពជំនាញពាក់ព័ន្ធអញ្ជើញចុះពិនិត្យទីតាំង ដងផ្លូវសំខាន់ៗនៅក្នុងក្រុង (មជ្ឈមណ្ឌលព័ត៌មានសម្លេងជាយដែន)

ព័ត៌មានគួរចាប់អារម្មណ៍

អភិបាលខេត្តកំពត ដឹកនាំកិច្ចប្រជុំ ​ពិភាក្សាស្តីពីការរៀបចំគម្រោង ចំណូលរ​បស់​រដ្ឋបាលខេត្ត សម្រាប់គ្រប់គ្រងឆ្នាំ២០២១ (មជ្ឈមណ្ឌលព័ត៌មានសម្លេងជាយដែន)

ព័ត៌មានគួរចាប់អារម្មណ៍

រដ្ឋមន្ត្រីក្រសួងយុត្តិធម៌ អ​ញ្ជើញជាអធិបតីក្នុង​ទិវាអន្តរជាតិ ប្រយុទ្ធប្រឆាំង​គ្រឿង​ញៀន ក្រោមប្រ​ធានបទ "លុបបំបាត់គ្រឿងញៀន​ ត្រូវផ្តើមចេញពីយើ​ងទងអស់គ្នា" (មជ្ឈមណ្ឌលព័ត៌មានសម្លេងជាយដែន)

ព័ត៌មានគួរចាប់អារម្មណ៍

ក្រសួងសុខាភិបាល រកឃើញអ្នកឆ្លងជំងឺកូវីដ១៩ ម្នាក់ជា​មន្ត្រីជាន់​ខ្ពស់ស្ថាន​ទូតអា​មេរិក ​ប្រចាំ​កម្ពុជា ខណៈ០៣​នាក់ ត្រូវបានព្យាបាលជាសះ​ស្បើយ (មជ្ឈមណ្ឌលព័ត៌មានសម្លេងជាយដែន)

ព័ត៌មានគួរចាប់អារម្មណ៍

ព្រឹកនេះក្រសួងធនធានទឹក និងឧតុនិយម បញ្ជាក់ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រទាំង៨ (មជ្ឈមណ្ឌលព័ត៌មានសម្លេងជាយដែន​​)

វីដែអូ

ចំនួនអ្នកទស្សនា

ថ្ងៃនេះ :
3068 នាក់
ម្សិលមិញ :
7899 នាក់
សប្តាហ៍នេះ :
81061 នាក់
ខែនេះ :
452857 នាក់
3 ខែនេះ :
1316794 នាក់
សរុប :
8291690 នាក់