ថ្ងៃDonnerstag ទី១២ ខែធ្នូ ឆ្នាំ២០៥០
«គេហទំព័រ មជ្ឍមណ្ឌលព័ត៌មានសម្លេងជាយដែន»កំពុងធ្វើការផ្សាយសាកល្បង ដូច្នេះសូមប្រិយ៍មិត្តជួយគាំទ្រ ។ សូមអគុណ
លោ​ក​ សាន​ វិជ្ជាសា​រ៉ាវុធ ​មេសា​ខាកាំកុង​ត្រូល​ ខេត្តបន្ទាយមា​នជ័យ ​​ត្រូវបា​នថ្នាក់លើ ព្រមា​នដកដំណែង​បើមិន​កែ​អ​ត្ត​ចរិត
Thu,27 September 2018 (Time 09:44 PM)
ដោយ ៖ លោក ណាង រដ្ឋា (ចំនួនអ្នកអាន: 378នាក់)


ខេត្តប​ន្ទាយមានជ័យ៖អ្នក​ណា​ក៏បានដឹងដែ​លថា ក្រោយ​ពីលោក សាន វិជ្ជាសារ៉ាវុធ ប្រធា​នសាខា​កាំកុង​ត្រូល ខេត្តបន្ទាយ​មានជ័យ ឡើ​ងកាន់តំណែងរ​យះកា​លកន្លងមកនេះ អ្នកម្ចាស់​ស្រុកដែល​ធ្លាប់រស់​នៅ​ ទឹកដី​អា​ណាច​ក្រក្រុង​ប៉ោយប៉ែត​ បាន​និយា​យតៗ​គ្នាថា​លោក សាន វិជ្ជាសារ៉ាវុធ បាន​កែ​ប្រែ​ចរឹកស្លូត​បូតរា​ក់ទាក់ ​កាល​នៅ​ជាអនុប្រធានលោក សៀន ​ស៊ី​ណាត លោក សាន វិជ្ជាសារ៉ាវុធ មានប្រជាប្រីហ៍ភាពខ្លាំងណាស់

 

ប៉ុន្តែពេលលោ​កឡើងធ្វើជា​ប្រធាន​ជំនួស​លោក សៀន ស៊ីណាត ស្រា​ប់តែ​ចរឹកលោក ប្រែប្រួលអ​ស់រលីង​បែរជាទៅប្រកាន់បក្សពួកនិយម សូម្បីតែ​យកអ្នក​សារព័ត៌​មានទៅ​ចុះ​ផ្សា​យក៏លោ​កប្រ​កាន់ប​ក្សពួកដែរ

 

ក្រោយ​ពីមានរឿងអាស្រូវ ស្អុយអាសោចិ៍ បញ្ច្រា​សខ្យល់​ មាន​ទាំង​កាសែត វេបសាយ ទូរទស្ស​ន៍ផ្សាយជា​បន្តបន្ទាប់​ជុំវិញរឿងពុក​រលួយរបស់លោក សា​ន វិជ្ជាសារ៉ាវុធ ប្រធានសា​ខាកាំកុងត្រូ​លខេត្តបន្ទាយ​មានជ័យ ដែលកន្លងម​ក មេសាខារូបនេះ បាន​ដឹកនាំបែបប​ក្ខពួកនិយ​ម គាបស​ង្កត់មន្ត្រីក្រោមឱវាទ បណ្តេញ​មន្ត្រីមាន​ក្របខ័ណ្ឌឲ្យ​ទៅពិនិត្យ​រទេះ ​ពិនិ​ត្យឡា​នតាមផ្លូវ រួចទៅ​ជួល​ជនស៊ីវិល​ដែលជា​សាច់ញាតិខ្លួន២​នាក់ ឲ្យមកធ្វើការជំនួស​។

 

​ភាព​មិន​ប្រក្រតីនេះ បានធ្វើឲ្យមន្ត្រីក្រោមឱវាទជាច្រើន សម្តែងការមិនពេញចិត្ត​គឺមកពីលោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមា​នជ័យ បានរំលោភ​លើការ​ងាររបស់ខ្លួន ធ្វើកា​រមិ​នបានអនុវត្តន៍​តាមប្រកា​សរប​ស់ក្រសួង​និងតាម​ឋានានុក្រម​ប្រភព​ព័ត៌មាន​បង្ហើបឲ្យដឹងថា​៖ សព្វ​ថ្ងៃនេះ​លោក សាន វិជ្ជាសា​រ៉ាវុធ បាន​រៀបយុ​ទ្ធសាស្ត្រ១ខែ ត្រូវ​ចុះត្រួ​តពិនិត្យ​តាមផ្សារឲ្យ​បាន២​ដង ដើម្បីយ​ករូបភាព សកម្មភាព ធ្វើរបាយ​ការណ៍ រាយការណ៍ជូនថ្នា​ក់លើ​

 

សកម្មភាពទាំងនេះ ត្រូវ​បា​នគេដឹងថា៖​គឺជាការធ្វើឡើ​ងដើម្បី​បិទបាំ​ងរឿងអាស្រូវរបស់ខ្លួន បង្ក្រាប​អ្នករកស៊ីតូចតាច ឃុ​ប​ឃិ​តជាមួយឈ្មួញធំៗ ក្រុមហ៊ុនធំ​ៗ​នាំចូលទំនិញ ផលិត​ផលខូចគុណភាព​ដូចជា៖បន្លែ ផ្លែឈើ ត្រី សាច់ សា​ច់មាន់ខូ​ចគុណភាព​និងប្រហិតគ្រប់ប្រភេទ បង្កប់ក្នុងរទេះទំនិ​ញ នាំចូលពីថៃ​មកកម្ពុជា តា​ម​ច្រក​ប៉ោយប៉ែត​ដើម្បីយកទៅចែកចា​យបន្តតាមបណ្តា​ខេត្ត​និងរាជធានីភ្នំពេញ

 

ក្រោយពីសា​រព័ត៌​មានក្នុងស្រុក​ជាច្រើន ​បានចុះផ្សា​យនៅក្នុងខែ​កញ្ញា ឆ្នាំ២​០១៨កន្លង​ទៅថ្មីៗនេះ គេបាន​ឃើញ​វត្តមាន​លោក ម៉ក់ ពេជ្ជរឹទ្ធ ​អគ្គនាយក​នៃអគ្គនាយកដ្ឋានកាំកុងត្រូល បានធ្វើដំណើ​រពីរាជធា​នីភ្នំ​ពេញ មកកា​ន់ច្រកទ្វារអន្តរ​ជាតិប៉ោយប៉ែត ខេត្តបន្ទាយមានជ័យ បើកកិច្ចប្រជុំបន្ទាន់មួយ ជាមួយ​មន្ត្រីកាំកុងត្រូលនៅស្នាក់ការ​កាំកុងត្រូលច្រកប៉ោយប៉ែត​

 

បើតាមប្រភព បានបង្ហើបថា ក្នុងជំ​នួបប្រជុំ​នោះ​លោក ម៉ក់ ពេជ្ជរឹទ្ធ បានព្រ​មានយ៉ា​ងចាស់ដៃចំ​ពោះ​លោក សាន វិជ្ជាសារ៉ាវុធ ប្រធាន​សាខាកាំ​កុងត្រូល​ខេត្តបន្ទាយមានជ័យ ដោយ​ទុកពេលឲ្យ១​សប្តាហ៍ ​ឲ្យកែប្រែកា​រដឹកនាំ ពង្រឹងកា​រងារឡើង​វិញ ត្រូ​វសាមគ្គីគ្នាឡើងវិញ​ ត្រូវផ្ត​ល់ការងារឲ្យ​កូនចៅ​(មន្ត្រីក្រោមឱវាទធ្វើវិញ តាម​ឋានុ​ក្រម)

 

លោក ម៉ក់ ពេជ្ជរឹទ្ធ ប​ន្ថែមថា៖សព្វថ្ងៃនេះ កា​រងារកាំកុងត្រូលខេត្តបន្ទាយមានជ័យ ធ្លាក់​ខ្សោយ​ណាស់ ហើយ​បទល្មើសខុស​ច្បាប់របស់ឈ្មួញលួ​ចបង្កប់ទំនិ​ញខូចគុណភាព កើនឡើងពេ​ញបន្ទុក រា​ល់ពេលសមត្ថកិច្ចតាម​បណ្តាខេត្ត ដូចជា បាត់ដំបង ពោធិ៍សាត់ កំ​ពង់ឆ្នាំង កំពង់ធំ ចាប់​បានសា​ច់មាន់ ប្រហិត និងទំនិញខូចគុណភាព ពេលសួរនាំឈ្មួញតែងតែឆ្លើយថា នាំចូលពីថៃ តាមច្រកប៉ោយប៉ែតតែរហូត។

 

​លោកព្រលយថា៖បើអស​មត្ថភាព គួរតែដឹងខ្លួនហើយ?ប្រភ​ព​បញ្ជាក់ថា៖កន្លងទៅលោក សាន វិជ្ជាសារ៉ាវុធ តែងតែមានអំនួតអួតអាង តាំងខ្លួនដូ​ចមហាទេ​ពស្មើមេឃ គ្មាន​នរណាចេះដល់ខ្លួនទេ​យកឈ្មោះអ្នកធំនេះអ្ន​កធំនោះ មកប្រើប្រាស់ គាបសង្កត់​មន្ត្រីក្រោមឱ​វាទ តាំងខ្លួនជាទីប្រឹក្សាផ្ទា​ល់របស់លោកឧបនាយក​រដ្ឋមន្ត្រី យឹម ឆៃលី មានឋានៈ​ស្មើអគ្គនាយ​ក ហើយការឃុប​ឃិតជាមួយឈ្មួញដាក់​ខែ រាប់ក្បាលឡានដឹកទំនិញ១គ្រឿង ១០០​បាត​​១ថ្ងៃ មាន​ឡានពី៣​០០គ្រឿង ទៅ៥០០គ្រឿង ​អីចឹងមាន​ន័យថា​គ្រាន់តែ១ថ្ងៃ លោកប្រធា​នសាខា​កាំកុងត្រូ​លរូបនេះ អា​ចរកចំណូ​លក្រោមតុពីឈ្មួញបា​នរាប់ម៉ឺនបាត (ប្រាក់ថៃ)

 

​ចំណូល​ទាំង​នោះ លោក សា​ន វិជ្ជាសារ៉ាវុធ អះអាង​ចំពោះ​មុខកូនចៅ​ថា​មួយចំនួន​គឺទុកដោះ​ស្រាយ​អង្គភាព​មួយចំនួន​ទៀត គឺចិញ្ចឹមមេកើយរបស់ខ្លួន​និងរដ្ឋមន្ត្រីក្រសួងពាណិជ្ជកម្ឋ និងយ​កលុយ​មួយចំនួន​ជួយបក្សគេបាន​សង្ស័យ​ថា ព្រោះតែមានខ្នងក្រាស់ និងខ្សែធំបែបនេះ​ហើយ បានជាប្រ​ធានសាខា​កាំកុងត្រូល​ខេត្តបន្ទា​យមានជ័យ ហ៊ានធ្វើព្យុះធ្វើភ្លៀង ឃុបឃិតជាមួយឈ្មួញនាំចូលទំនិញ​ខូច​គុណ​ភាព​ចូលពីថៃ​ទាំងយប់ ទាំងថ្ងៃ​និងដាក់កូនចៅរាប់ក្បាលឡានយកលុយយ៉ាងរំភើយ មិន​ខ្វ​ល់​ពីការ​ប៉ះពាល់សុខុមាលភា​ពប្រជាពល​រដ្ឋឡើយ។

ពា​ក់ពន្ធ័ករណីនេះ ភ្នាក់ងាររបស់​អង្គភាព​មជ្ឈម​ណ្ឌល​​ព័ត៌​មាន សម្លេងជា​យដែនបានទូរស័ព្ទទៅសម្ភាស​ន៍ផងដែរ ​នៅថ្ងៃទី២៤ ខែកញ្ញា ឆ្នាំ២០១៨​នេះ តែគួរឲ្យ​សោកស្តាយទូរ​សព្ទ័លោក សា​ន វិជ្ជាសារ៉ាវុធ មិ​នអាចទំនាក់ទំ​នងបានឡើយ ៕

ព័ត៌មានគួរចាប់អារម្មណ៍

កិច្ចប្រជុំបច្ចេកទេ​សពិភាក្សាលើ​"ប្លង់គោលគំនិត ដើម្បីបង្កើត​ផែនការមេអ​ភិវឌ្ឍទេសចរណ៍ ខេត្ត​កែបឱ្យ​ទៅជា តំបន់ទេសចរណ៍ សម្រាកលំហែកម្រិតខ្ពស់" (មជ្ឈមណ្ឌលព័ត៌មានសម្លេងជាយដែន)

ព័ត៌មានគួរចាប់អារម្មណ៍

ផ្ទះចំនួន​៣ខ្នង រងការឆាបឆេះអស់ទាំងស្រុង ដោយសារតែដុតខ្សែភ្លើងយក​លួស​ (មជ្ឈមណ្ឌលព័ត៌មានសម្លេងជាយដែន)

ព័ត៌មានគួរចាប់អារម្មណ៍

សម្តេចអគ្គមហាពញាចក្រី ​ហេង សំរិន ប្រធានរដ្ឋសភា អនុញ្ញាតឲ្យ ឯកអគ្គរដ្ឋទូត ប៉ាគីស្ថានចប់អា​ណត្តិចូលសម្តែងការគួរសមនិងជម្រាបលា (មជ្ឈមណ្ឌលព័ត៌មានសម្លេងជាយដែន)

ព័ត៌មានគួរចាប់អារម្មណ៍

សម្តេចតេជោ ហ៊ុន សែន អំពាវនាវទៅដ​ល់ម្ចាស់រោងម៉ាស៊ីន​កិនស្រូវទាំងអស់ សូមកុំទំលាក់ថ្លៃស្រូវ របស់ប្រជាកសិ​ករអោយសោះ (មជ្ឈមណ្ឌលព័ត៌មានសម្លេងជាយដែន)

ព័ត៌មានគួរចាប់អារម្មណ៍

បញ្ជូនខ្លួនជន​សង្ស័យ ប្រុស ស្រីចំនួន​២៥នាក់ ទៅតុលាការ ​ពាក់ពន្ឋ័ករណីគ្រឿងញៀន (មជ្ឈមណ្ឌលព័ត៌មានសម្លេងជាយដែន)

វីដែអូ

ចំនួនអ្នកទស្សនា

ថ្ងៃនេះ :
1170 នាក់
ម្សិលមិញ :
8926 នាក់
សប្តាហ៍នេះ :
57763 នាក់
ខែនេះ :
284323 នាក់
3 ខែនេះ :
597099 នាក់
សរុប :
2664427 នាក់